„ქუჩის მოჩხუბრის ჩანაწერები“ საავადმყოფოს ლოგინს მიჯაჭვული, მორიგი ცემა-ტყეპის დროს ხელფეხდალეწილი შუახნის მამაკაცის დღიურია. სასიკვდილოდ განწირული გმირის მიერ გულახდილად მოთხრობილი ამბები იმდენად შემზარავია, რომ ოდესმე ალბათ ყველას გამოგონილი მოეჩვენება, მაგრამ ჩვენთვის – XX-XXI საუკუნეების გასაყარზე მცხოვრები ქართველებისთვის – ყოველი ისტორია რეალობის ნაწილი იყო და არის.

ყველას გამოგვიცდია, გვინახავს და გადაგვიტანია ის შავბნელი ცხოვრება, რომელმაც ისევე ჩაყლაპა რიგითი ქუჩის მოჩხუბარი, როგორც მრავალი მისნაირი, მხოლოდ სიკვდილის წინ რომ გაუჩნდათ კითხვები საკუთარ რაობაზე.