Image Alt

წიგნები

ნარცისი და გოლდმუნდი

15,90 

მთარგმნელი: მარიამ ქსოვრელი

„ნარცისი და გოლდმუნდი“ ნობელის ლაურეატი მწერლის, ჰერმან ჰესეს, შედარებით გვიანი პერიოდის ნაწარმოებია. ის 1930 წელს გამოიცა.

რომანში გადმოცემულია ორი ახალგაზრდა კაცის, ორი სულიერი მეგობრის, ისტორია. გოლდმუნდი, ნაწარმოების მთავარი გმირი, ხელოვანი, მგზნებარე, მაძიებელი და მოხეტიალე ბუნების ადამიანია, რომელმაც წინააღმდეგობებით სავსე ცხოვრების გზა უნდა გაიაროს; ნარცისი კი, ასკეტი ბერია, რომელიც ასაზრდოებს გოლდმუნდის ხელოვნებას და მას სულიერ სამყაროსსთან აკავშირებს. რომანში მეგობრები განიხილავენ განსხვავებულ მოგზაურობას ცხოვრებაში, თუ როგორ გააცნობიერეს ჭეშმარიტება არსებობის შესახებ. „ყოფიერება ორად იყო გაყოფილი, წინააღმდეგობებით არსებობდა იგი… ერთის დაკარგვით მუდამ მეორე მიიღწეოდა და მუდამ იყვნენ ერთმანეთისთვის საჭირონი…”

ეს არის ყოვლისმომცველი ისტორია სიცოცხლის მნიშვნელობასა და ადამიანობაზე. ჰერმან ჰესეს ნაწარმოებების უმეტესობის მსგავსად, ამ წიგნის მთავარი თემა საკუთარი თავისა და ცხოვრების არსის ძიებაა.

მარაგშია

გერმანია / შვეიცარია

ჰერმან ჰესე

1877 - 1962

ჰერმან ჰესე გერმანელ-შვეიცარიელი მწერალია, რომლის შთამბეჭდავმა შემოქმედებამ მსოფლიო ლიტერატურას სამუდამოდ კვალი დაამჩნია. 1946 წელს მწერალს ნობელის პრემია მიენიჭა.

გერმანულ ნაციზმთან შეუთავსებლობის გამო იგი შვეიცარიაში გადასახლდა და იქ აგრძელებდა მოღვაწეობას. სამშობლოდან მას უგზავნიდნენ მუქარის წერილებს და ამიტომ ჰიტლერისა და მისი რეჟიმის აღზევებასთან ერთად ჰესემ 1923 წელს შვეიცარიის მოქალაქეობა მიიღო და იქ დასახლდა. მეორე მსოფლიო ომის შემდეგ იგი სათანადოდ აღიარეს, მაგრამ ნაცისტური რეჟიმის მიერ დაგმობილი მისი ტექსტები კარგა ხანს გამოუქვეყნებელი რჩებოდა.

მის შემოქმედებაზე მნიშვნელოვანი გავლენა მოახდინა მოგზაურობამ ინდოეთში. ჰესე ამბობდა, რომ დასავლურზე ბევრად დიდი გავლენა ჩემზე ჩინურმა და ინდურმა ფილოსოფიამ იქონიაო.

ჰესე გატაცებული იყო ფერწერით და თავადაც ხატავდა, თუმცა განსაკუთრებული მნიშვნელობა მისთვის ჰქონდა მუსიკას, რაც კარგად ჩანს მის სხვადასხვა ნაწარმოებებში.

ჰერმან ჰესე დღემდე რჩება ერთ-ერთ ყველაზე მნიშვნელოვან და გავლენიან გერმანულენოვან მწერლად.

აღწერა

სერიაში „ლიტერატურული ოდისეა“ თავმოყრილია მრავალი ქვეყნის თანამედროვე და კლასიკური მხატვრული ნაწარმოებები, რომლებსაც მსოფლიოში უკვე კარგად იცნობენ და რომელთა უმეტესობაც ქართულ ენაზე პირველად ითარგმნება.

ISBN 9789941308604
ყდის ტიპი

რბილი

გამოცემის წელი

2021

ფორმატი

13.00 X 19.50

გვერდების რაოდენობა

342

მიმოხილვა

მიმოხილვები ჯერ არ არის.

მხოლოდ ავტორიზირებულ მომხმარებელს, ვისაც აქვს ეს პროდუქტი შეძენილი, შეუძლია დატოვოს შეფასება.