მარკ ტვენი
ემიუელ ლენგჰორნ კლემენსი, იგივე მარკ ტვენი 1835 წელს ფლორიდაში დაიბადა. მსოფლიოში ცნობილი მწერალი, იუმორისტი, გამომცემელი და ლექტორი დღემდე რჩება ბავშვებისა და უფროსების საყვარელ მწერლად.
უილიამ ფოლკნერი მას „ამერიკული ლიტერატურის მამას“ უწოდებდა: „მარკ ტვენი პირველი ნამდვილი ამერიკელი მწერალი იყო და ჩვენ ყველანი მისი მემკვიდრეები ვართ“.
მკითხველებს დღესაც ხიბლავთ ტომ სოიერისა და ჰეკლბერი ფინის თავგადასავლები, ლიტერატურათმცოდნეები კი მარკ ტვენის მიერ შექმნილ მხატვრულ სამყაროს სწავლობენ და აანალიზებენ.
მარკ ტვენს სხვადასხვა სამწერლო ფსევდონიმით დაწერილი აქვს უამრავი მხატვრული თუ კრიტიკული ნაშრომი, ხოლო მისი ლექციებისა და სიტყვით გამოსვლების დიდი ნაწილი დაკარგულად ითვლება. სწორედ ამიტომ მარკ ტვენის ბიბლიოგრაფია დღემდე არ არის სრულად შედგენილი და მისი შემოქმედების კვლევა კვლავაც გრძელდება.