ლევან ბერძენიშვილი

მწერალი და მთარგმნელი ლევან ბერძენიშვილი 1953 წელს ბათუმში დაიბადა. პროფესიით ფილოლოგს 1990 წელს მიენიჭა ფილოლოგიის მეცნიერებათა კანდიდატის ხარისხი.

1978 წელს თანამოაზრეებთან ერთად დააარსა საქართველოს რესპუბლიკური პარტია. „ანტისაბჭოთა აგიტაციისა და პროპაგანდის“ გამო 1984-1987 წლებში პოლიტიკური პატიმარი იყო. 1994-2004 წლებში საქართველოს პარლამენტის ეროვნულ ბიბლიოთეკას ხელმძღვანელობდა. იყო საქართველოს მე-6 და მე-8 მოწვევის პარლამენტი წევრი.

წლების მანძილზე საქართველოს სხვადასხვა უნივერსიტეტში ასწავლიდა. 2009-2011 წლებში ამერიკის შეერთებულ შტატებში მუშაობდა და ამჰერსტის, მოუნტ ჰოლიოკის, სტენფორდისა და კოლუმბიის უნივერსიტეტებთან თანამშრომლობდა. დღეს რამდენიმე უნივერსიტეტის სრული და ასოცირებული პროფესორია.

ლევან ბერძენიშვილი 40-მდე სამეცნიერო ნაშრომის ავტორი და ლათინური ენის სახელმძღვანელოს თანაავტორია. მიღებული აქვს არაერთი ლიტერატურული პრემია.

სულაკაურის გამომცემლობამ მისი, როგორც ავტორისა და მთარგმნელის, რამდენიმე წიგნი უკვე გამოსცა, მათ შორისაა: საავტორო - „წმინდა წყვდიადი“ და თარგმანები - „ილიადა“, „ორესტეა“ და „ესქილეს ტრაგედიები“.