იაპონია

მურასაკი შიკიბუ

973 - 1014

ყველა ქვეყნის ისტორიაში არის გარდამტეხი პერიოდები. იაპონიის ისტორიაში ერთ-ერთი ასეთი პერიოდი VIII-XI საუკუნეებს მოიცავს. ეს ის დროა, როცა ქვეყანა ჩინეთის გავლენისგან თავისუფლდება; როცა იწყება ახალი, ჰეიანური ეპოქა. სწორედ XI საუკუნეში ცხოვრობდა იმპერატორის კარის სეფექალი, უძველესი გვარის, ფუჯივარას წარმომადგენელი მურასაკი შიკიბუ, რომლის მიერ შექმნილმა ნაწარმოებმა „ამბავი უფლისწული გენჯისა“ საუკუნეებს გაუძლო.

„ამბავი უფლისწული გენჯისა“ ხშირად ითვლება მსოფლიოს პირველ რომანად და საუკუნეების განმავლობაში უამრავი სამეცნიერო კვლევა-ძიების საგანი ყოფილა.