Image Alt

წიგნები

ზამთარი

19,90 

მთარგმნელი: ლელა დუმბაძე

„ზამთარი“ მწერლის მიერ დანახულ დღევანდელობას ასახავს – მტკივნეული პოლიტიკური კონფლიქტებითა და კოლიზიებით, ელექტრონული ტექნოლოგიებით დამძიმებული და გაუცხოებული თანამედროვე ადამიანის სულიერ მდგომარეობას…

მარაგში

ალი სმითი

ალი სმითი 1962 წლის 24 აგვისტოს შოტლანდიაში დაიბადა. იგი მრავალშვილიან ოჯახში იზრდებოდა და მის მშობლებს ბევრი შრომა უწევდათ, რომ შვილებისთვის შესაბამისი პირობები შეექმნათ. სმითი ლიტერატურით თავიდანვე დაინტერესდა და უნივერსიტეტშიც ინგლისური ენა და ლიტერატურა შეისწავლა. შემდეგ სტრასკლაიდის უნივერსიტეტში ინგლისური ენისა და ლიტერატურის ლექტორი იყო. თუმცა, ქრონიკული დაღლილობის სინდრომის დაუდგინეს და იძულებული გახდა, ეს პროფესია მიეტოვებინა. მანამ, სანამ თავს ლიტერატურას მიუძღვნიდა, სტუდენტობის პერიოდში, სმითი შეთავსებით მუშაობდა მიმტანად, მწმენდავად, ტურისტულ გიდად და სარეკლამო კოპირაიტერად. „რომანში მთავარი არის მისი ენა. ენა კი, მიმდინარე, ცოცხალი პროცესებით საზრდოობს. სწორედ ამიტომ, რაც უფრო ახლოსაა ლიტერატურა მიმდინარე მოვლენებთან, მით უფრო აღიქვამს და გრძნობს მას მკითხველი“, _ ამბობს სმითი ერთ-ერთ ინტერვიუში. სწორედ აქედან გაჩნდა ე.წ. „სეზონების ტეტრალოგიის“ იდეა. მწერალმა მიზნად დაისახა, დაეწერა ოთხი ერთმანეთისგან დამოუკიდებელი რომანი, ერთმანეთისგან განსხვავებული, მასშტაბური ამბით, რომელთაც გააერთიანებდა თხრობის დრო, პოლიტიკური კონტექსტები და ენობრივი მსგავსება და რომელიც სეზონების ერთ ციკლს შეკრავდა. ეს წიგნები ჰყვებიან როგორც ხანგრძლივ პროცესებზე, ასევე იმ რეალობაზე, რომელშიც და რომელთა შესახებაც იწერებოდნენ. 2016 წლის გამოცემული „შემოდგომა“ The New York Times-ის წლის 10 საუკეთესო წიგნს შორის მოხვდა და ბუკერის პრემიაზეც იყო წარდგენილი. 2017 წლის ნოემბერში გამოიცა „ზამთარი“, ხოლო 2019 წელს - „გაზაფხული“.

აღწერა

„ზამთარი“ თანამედროვე შოტლანდიელი მწერლის, ალი სმითის მეორე რომანია სეზონური კვარტეტიდან, რომლის პირველ ნაწილს, „შემოდგომას“, უკვე იცნობს ქართველი მკითხველი.

„ზამთარი“ მწერლის მიერ დანახულ დღევანდელობას ასახავს – მტკივნეული პოლიტიკური კონფლიქტებითა და კოლიზიებით, ელექტრონული ტექნოლოგიებით დამძიმებული და გაუცხოებული თანამედროვე ადამიანის სულიერ მდგომარეობას, განსხვავებული აზრის მიუღებლობას, სამოქალაქო დაუმორჩილებლობას, უკიდურესობამდე გართულებულ ოჯახურ ურთიერთობებს, რაც, შესაძლოა, მოულოდნელი ფსიქოლოგიური თუ ფსიქიკური ძვრების გამომწვევიც კი იყოს. აქ აღმოაჩენთ, რომ ის, რაც თითქოს ზოგადსაკაცობრიო განსაცდელად გამოყურება, თურმე შეიძლება სავსებით ნაცნობი, ახლობელი და ხელშესახები  იყოს ჩვენი, ქართული სინამდვილისთვისაც.

ISBN 9789941308468
ყდის ტიპი

რბილი ყდა

გამოცემის წელი

2022

ფორმატი

13,0X19,5

გვერდების რაოდენობა

303

მიმოხილვა

მიმოხილვები ჯერ არ არის.

მხოლოდ ავტორიზირებულ მომხმარებელს, ვისაც აქვს ეს პროდუქტი შეძენილი, შეუძლია დატოვოს შეფასება.