Image Alt

წიგნები

რჩეული მოთხრობები

29,90 

მთარგმნელი: გივი კიკილაშვილი

რჩეული მოთხრობები პლატონოვის საუკეთესო ნაშრომებს აერთიანებს, მათ შორის: „დაეჭვებული მაკარი“, „ქვაბული“, „მშვენიერ და ულმობელ წუთისოფელში“.

მარაგში

ანდრეი პლატონოვი

ანდრეი პლატონოვი რუსი მწერლის – ანდრეი პლატონოვიჩ კლიმენტოვის სამწერლო ფსევდონიმია. ის დაიბადა რუსეთში 1899 წელს. არის მოთხრობების, პიესების, ლექსებისა და რომანის ავტორი. გარდა ამისა, თანამშრომლობდა პერიოდულ გამოცემებთან და წერდა ესეებს სხვადასხვა თემაზე, მათ შორის: ლიტერატურაზე, ხელოვნებაზე, ფილოსოფიაზე, პოლიტიკასა და ტექნოლოგიაზე. 1920-იან წლებში იყო კომუნისტური პარტიის წევრი, თუმცა „არასტაბილური შეხედულებების“ გამო პარტიიდან გარიცხეს.

პლატონოვის მნიშვნელოვანი ნაწარმოებები მისი გარდაცვალებიდან 40 წლის შემდეგ დაიბეჭდა. ეს მას შემდეგ მოხდა, რაც მწერლის ნაწარმოებები უცხოეთში გამოქვეყნდა და მსოფლიო ლიტერატურაში კლასიკოსის სახელი მოუპოვა.

მწერლის ყველაზე ცნობილი მოთხრობებია „დაეჭვებული მაკარი“, „ქვაბული“ (რომელსაც ზოგიერთი მკვლევარი დისტოპიური ჟანრის ლიტერატურას მიაკუთვნებს), „მშვენიერ და ულმობელ წუთისოფელში“ და რომანი “ჩევენგური“.

ანდრეი პლატონოვს გამოარჩევს ორიგინალური და ინდივიდუალური წერის სტილი, რომელსაც ხშირად „პრიმიტიულსა“ და „უხეშს“ უწოდებენ. მწერალი მოდერნისტული ლიტერატურის ერთ-ერთ კლასიკოსად ითლება.

აღწერა

კრებულში პლატონოვის რჩეული მოთხრობებია თავმოყრილი. ერთ-ერთ მათგანის – „ქვაბულის“ – პერსონაჟ კომუნისტებს კომუნიზმი უზარმაზარ საერთო სახლად წარმოუსახავთ. ისინი ხრამში ქვაბულს თხრიან და უსასრულოდ აფართოებენ. მათ სურთ, სახლმა მთელი პროლეტარიატი დაიტიოს. მწერალმა ამ მოთხრობაში საბჭოთა კავშირის აღსასრული 65 წლით ადრე იწინასწარმეტყველა.

ანდრეი პლატონოვი (1899-1951) მსოფლიო ლიტერატურის კლასიკოსია. მისი მოთხრობის სახელწოდების მიხედვით შეიძლება „მშვენიერი და ამასთანავე ულმობელი წუთისოფლის“ ჟამთააღმწერელიც ვუწოდოთ.

1929 წელს გამოქვეყნებული მოთხრობა „დაეჭვებული მაკარი“ სტალინმა მავნედ მიიჩნია. მწერალს თავს დაატყდა ბოლშევიკური კრიტიკის ქარცეცხლი. რის გამოც მკითხველისკენ გზა დაეხშო.

ანდრეი პლატონოვის უმნიშვნელოვანესი ნაწარმოებები რუსეთში მისი გარდაცვალებიდან 40 წლის შემდეგ გამოქვეყნდა. ეს მას მერე მოხდა, რაც უცხოეთში დაიბეჭდა და ავტორს კლასიკოსის სახელი მოუპოვა.

რჩეული მოთხრობები პლატონოვის საუკეთესო ნაშრომებს აერთიანებს, მათ შორის: „დაეჭვებული მაკარი“, „ქვაბული“, „მშვენიერ და ულმობელ წუთისოფელში“.

ISBN 9789941371462
ყდის ტიპი

მაგარი

გამოცემის წელი

2023

ფორმატი

15.50 X 22.63

გვერდების რაოდენობა

499

მიმოხილვა

მიმოხილვები ჯერ არ არის.

მხოლოდ ავტორიზირებულ მომხმარებელს, ვისაც აქვს ეს პროდუქტი შეძენილი, შეუძლია დატოვოს შეფასება.

შესაძლოა, ასევე მოგეწონოთ…