Image Alt

წიგნები

ყაზბეგი – ქართულის რვეულები

10,90 

წიგნიდან “ყაზბეგი – ქართულის რვეულები” გაიცნობთ ყაზბეგს… ფუფუნებაში გაზრდილსა და სიღატაკეში გარდაცვლილ მწერალს. არადა, ერთ დროს უფლისწულის შესაფერისად ცხოვრობდა – ყველა ახირებას უსრულებდნენ. მერე და მერე კი მისი ყველაზე ახლო მეგობარი მაიმუნი ჟაკო გახდა. თანდათან საქმე იქამდეც მივიდა, რომ ახლობლები შემოეცალნენ, შინაც კი აღარ უშვებდნენ. სულ მარტო დარჩა, ჯერ მაიმუნის ამარა და ბოლოს მის გარეშეც.

მარაგში

საქართველო

აკა მორჩილაძე

დაიბადა 1966 წელს

აკა მორჩილაძე გიორგი ახვლედიანის ფსევდონიმია. სხვადასხვა დროს იყო ლიტერატურის კრიტიკოსი, სპორტული ჟურნალისტი და მიჰყავდა რამდენიმე ტელეგადაცემა: უცნობი საქართველო, იონას საქართველო, თბილისის კართან. პირველად მკითხველის ყურადღება დაიმსახურა თავისი სადებიუტო რომანებით მოგზაურობა ყარაბაღში და ფალიაშვილის ქუჩის ძაღლები.

ამ ნაწარმოებების მიხედვით დაიდგა სპექტაკლები და გადაიღეს ფილმები.

გამოცემულია მისი ოცამდე რომანი და მოთხრობების რამდენიმე კრებული. რომანებმა მოგზაურობა ყარაბაღში, სანტა-ესპერანსა, მადათოვი, ობოლე, მესაიდუმლის ქამარი, ქართულის რვეულები, ჩრდილი გზაზე, ძველი გულებისა და ხმლისა, Maid in Tiflis, მამლუქი, კუპიდონი კრემლის კედელთან დიდი მოწონება დაიმსახურა საქართველოს საზღვრებს გარეთაც. ეს ნაწარმოებები თარგმნილია ინგლისურ, გერმანულ, უკრაინულ, რუსულ, თურქულ, ბულგარულ, აზერბაიჯანულ, იტალიურ და სხვა ენებზე.

აკა მორჩილაძე თანამედროვე ქართული ლიტერატურის ერთ-ერთი გამორჩეული სახეა. მისი ყოველი რომანი განსაკუთრებულია და ერთმანეთისაგან განსხვავდება თავისი სტილით, თხრობის მანერითა და ისტორიით. პროფესიით ისტორიკოსი, იგი კარგად იცნობს საკუთარი ქვეყნის ისტორიასა და კულტურას; მოგვითხრობს ისეთი ამბების შესახებ, რომლებიც თითქოს გაუგონარი და უცხოა, მაგრამ, ამავდროულად, ძალიან ახლობელი და გასაგებია მკითხველისათვის.

2018 წლის ფრანკფურტის წიგნის ბაზრობაზე, სადაც საქართველო წარდგენილი იყო მასპინძელი ქვეყნის სტატუსით, აკა მორჩილაძემ წარმოთქვა მისასალმებელი სიტყვა.

რომლითაც მან დასავლეთს ქართული კულტურა და მწერლობა დაანახვა და კიდევ ერთხელ აღაფრთოვანა ქართველი მკითხველი.

აკა მორჩილაძეს რამდენჯერმე მიღებული აქვს ლიტერატურული პრემია საბა წლის საუკეთესო რომანისთვის: შენი თავგადასავალი (2003), სანტა-ესპერანსა (2005), ვენერას სიზმარი (2006), Maid in Tiflis (2008), ობოლე (2012), კუპიდონი კრემლის კედელთან (2019) და, ასევე, ილიაუნის ლიტერატურული პრემია რომანისთვის მამლუქი (2010).

მწერალი ამჟამად ცხოვრობს და საქმიანობს ლონდონში.

აღწერა

წიგნიდან “ყაზბეგი – ქართულის რვეულები” გაიცნობთ ყაზბეგს… ფუფუნებაში გაზრდილსა და სიღატაკეში გარდაცვლილ მწერალს. არადა, ერთ დროს უფლისწულის შესაფერისად ცხოვრობდა – ყველა ახირებას უსრულებდნენ. მერე და მერე კი მისი ყველაზე ახლო მეგობარი მაიმუნი ჟაკო გახდა. თანდათან საქმე იქამდეც მივიდა, რომ ახლობლები შემოეცალნენ, შინაც კი აღარ უშვებდნენ. სულ მარტო დარჩა, ჯერ მაიმუნის ამარა და ბოლოს მის გარეშეც.

„ქართულის რვეულები“ საუკეთესო არჩევანია მოსწავლეებისთვის. სერია აერთიანებს საინტერესო ამბებსა და გამორჩეულ ფოტომასალას კლასიკოს ქართველ მწერლებზე, ხელოვანებსა და საზოგადო მოღვაწეებზე. პროფესიით ისტორიკოსი მწერალი აკა მორჩილაძე მხატვრულად მოგვითხრობს ამბებს, რომლებიც ისტორიულ-ბიოგრაფიულ წიგნებზე მუშაობისას გონებაში დაელექა. მისი ტექსტები განსხვავდება ფაქტებითა და თარიღებით გაჯერებული სტანდარტული ბიოგრაფიებისგან. „ეგებ ამ ნაწერებში ბევრი რამ ზუსტი არ იყოს, მაგრამ ამბად ასე დამრჩა გონებაში და აღარ გამოვედევნე. მთავარი ხომ მაინც ის არის, რაც გულს სამუდამოდ დააჩნდება“.

ISBN 9789941306594
ყდის ტიპი

რბილი ყდა

გამოცემის წელი

2020

ფორმატი

12.00 X 18.00

გვერდების რაოდენობა

159

მიმოხილვა

მიმოხილვები ჯერ არ არის.

მხოლოდ ავტორიზირებულ მომხმარებელს, ვისაც აქვს ეს პროდუქტი შეძენილი, შეუძლია დატოვოს შეფასება.

შესაძლოა, ასევე მოგეწონოთ…