Image Alt

წიგნები

მშვენიერო სამყაროვ, სად ხარ

13,90 

მთარგმნელი: გურამ ღონღაძე

ელისი და აილინი, კოლეჯის საუკეთესო მეგობრები, ცხოვრების გარკვეულ მონაკვეთს ერთმანეთისგან მოშორებით ატარებენ. ელისი ცნობილი მწერალია, რომელმაც პირველი ორი რომანით გაითქვა სახელი, აილინი კი დუბლინის ერთ-ერთ ლიტერატურულ ჟურნალში რედაქტორის ასისტენტად მუშაობს. მეგობრები ელექტრონული ფოსტით უზიარებენ ერთმანეთს თავიანთი ცხოვრების მნიშვნელოვან ფაქტებს, ჰყვებიან რომანტიკულ ურთიერთობებზე.

ნერვული შეტევის შემდეგ ელისი ნიუ-იორკს ტოვებს და ირლანდიის ერთ-ერთ სოფელში გადადის საცხოვრებლად. იქ ახლად გაცნობილ კაცს, ფელიქსს, წიგნის პრეზენტაციებზე დასასწრებად, რომში სამოგზაუროდ წასვლას სთავაზობს. აილინი კი შეყვარებულთან დაშორების შემდეგ თავის ბავშვობის მეგობარს, საიმონს ეარშიყება, რომელიც თინეიჯერობის ასაკიდან მოსწონს.

თანამედროვე ახალგაზრდა პოპულარული ირლანდიელი მწერლის, სალი რუნის მესამე რომანში „მშვენიერო სამყაროვ, სად ხარ“ გმირები ცდილობენ, მოერგონ ამ სამყაროს, იპოვონ საკუთარი თავი. ესაა სიყვარულის, ვნების, სურვილების, ტკივილისა და შიშის დაუსრულებელი ციკლი. იპოვიან კი ეს პერსონაჟები ადამიანებს, რომლებიც მათ ცხოვრებას უკეთესს გახდიან და დაანახვებენ მშვენიერი სამყაროსკენ მიმავალ გზას?

მარაგში

სალი რუნი

დაიბადა 1991 წელს

თანამედროვე ირლანდიელი მწერლი და სცენარისტი, სალი რუნი 1991 წელს კასლბარში დაიბადა. განათლება დუბლინში, Trinity College-ში მიიღო, სადაც ინგლისურ და ამერიკული ლიტერატურა შეისწავლა.

როგორც თავად ამბობს, სამაგალითო სტუდენტი არასდოს ყოფილა, უნივერსიტეტში შესვლამდე დედას იმასაც კი უმტკიცებდა, 1920 წლამდე დაწერილს არაფერს წავიკითხავო, თუმცა უნივერსიტეტის დასრულების შემდეგ დუბლინის სამების კოლეჯის გამორჩეულ კურსდამთავრებულთა შორის მოხვდა.

პირველი რომანი, რომელსაც მოგვიანებით „აბსოლუტური ნაგავი“ უწოდა, 15 წლისამ დაწერა. აქტიურ შემოქმედებით საქმიანობას კი მოგვიანებით, 2014 წელს მიუბრუნდა, როცა მუშაობა დაიწყო თავის სადებიუტო ნაწარმოებზე - „გასაუბრება მეგობრებთან“. წიგნი 2017 წელს გამოვიდა და მაშინვე დაიმსახურა მკითხველთა აღიარება. ავტორს მილენიანელების ხმა და სნეპჩეტის სელინჯერიც უწოდეს.

თუმცა რუნის ცხოვრებასა და შემოქმედებაში ყველაზე მნიშვნელოვანი 2018 წელს გამოქვეყნებული რომანი - „ჩვეულებრივი ადამიანები“ - გამოდგა. ესაა ბოლო წლების ერთ-ერთი ყველაზე პოპულარული რომანი, რომელიც იმ მცირერიცხოვან ნაწარმოებთა შორისაა, რომლებმაც არა მხოლოდ მკითხველთა სიყვარული, არამედ კრიტიკოსების აღიარება და მრავალი პრესტიჟული ლიტერატურული პრემიაც დაიმსახურეს. რომანი 2018 წლის ბუკერის გრძელ სიაში მოხვდა და იმავე წელს პრესტიჟული ბრიტანული ლიტერატურული პრიზების - Waterstones-ის, Costa Book Awards-ისა და ბრიტანული წიგნის პრემიის მფლობელი გახდა.

რომანის მიმართ ინტერესი განსაკუთრებით გაამძაფრა 2020 წელს BBC-ის დაკვეთით იგივე სახელწოდებით (Normal People) გამოსულმა სატელევიზიო სერიალმა.

სალი რუნის თაყვანისმცემლებისთვის ერთი შესანიშნავი ამბავი გვაქვს, სულ მალე მწერალი კიდევ ერთ რომანს - Beautiful World, Where Are You-ს გამოსცემს.

ISBN 9789941370694
ყდის ტიპი

რბილი

გამოცემის წელი

2022

ფორმატი

13.00 X 19.50

გვერდების რაოდენობა

332

მიმოხილვა

მიმოხილვები ჯერ არ არის.

მხოლოდ ავტორიზირებულ მომხმარებელს, ვისაც აქვს ეს პროდუქტი შეძენილი, შეუძლია დატოვოს შეფასება.