წიგნში “ბერძნული ცივილიზაცია – ელინისტური ეპოქიდან გვიანანტიკურობამდე “ეპოქის ისტორიასთან ერთად, წარმოჩენილია ამ პერიოდის ბერძნული კულტურის ყველა მნიშვნელოვანი სფერო: არქიტექტურა, პლასტიკა, ფერწერა, მოზაიკა, ისტორიოგრაფია, მჭევრმეტყველება, ფილოსოფია, ფილოლოგია, მეცნიერება და მხატვრული ლიტერატურა.

წიგნს ერთვის უმნიშვნელოვანესი ძეგლებისა და ხელოვნების ნაწარმოების 200-მდე ილუსტრაცია. „ბერძნული ცივილიზაცია“ განკუთვნილია სკოლის მოსწავლეებისთვის, სტუდენტებისა და ძველი სამყაროს კულტურებით დაინტერესებული ფართო მკითხველისთვის.

აკადემიკოს რისმაგ გორდეზიანის „ბერძნული ცივილიზაციის“ I და II ტომების მეორე, გადამუშავებული და გავრცობილი გამოცემა 2019 წელს გამოვიდა.

III დამასრულებელი ტომი, რომელიც პირველად გამოიცემა, მოიცავს ელინისტურსა და გვიანანტიკურ პერიოდებს – ალექსანდრე მაკედონელიდან ანტიკურობის დაქვეითებამდე.