სახელმძღვანელოები

„სულაკაურის გამომცემლობის“ პრიორიტეტული მიმართულება საგანმანათლებლო ლიტერატურის შექმნა და გამოცემაა. მნიშვნელოვანი ადგილი კი, მათ შორის, სასკოლო სახელმძღვანელოებს უჭირავს.

სხვადასხვა საგნისა და კლასის გრიფირებული სახელმძღვანელოები ეროვნული სასწავლო გეგმისა და საერთაშორისო სტანდარტების შესაბამისად იქმნება და ყოველ წელს ექსპერტთა მაღალ შეფასებას იმსახურებს.
„სულაკაურის გამომცემლობის“ სახელმძღვანელოებით უკვე წლებია ქვეყნის მასშტაბით ათასობით მოსწავლე იღებს თანამედროვე განათლებას. სახელმძღვანელოებზე გამოცდილ ავტორთა და გამომცემელთა გუნდი მუშაობს, თუმცა ასევე მნიშვნელოვანია, რომ გამომცემლობა მუდმივად ეძებს ახალ ავტორებს, მზადაა მათთან სათანამშრომლოდ, იმისთვის, რომ ყოველ წელს მომავალ თაობას უკეთესი საგანმანათლებლო რესურსები შესთავაზოს.

სერიაში თავმოყრილია ყველა კლასისა და საგნის სახელმძღვანელო, რომლებმაც სხვადასხვა წელს გაიარა გრიფირება და ამჟამად აქტიურად გამოიყენება სასწავლო პროცესში.

სერია, მოსწავლის წიგნებთან ერთად, აერთიანებს რვეულებსაც. ისინი შედგენილია გრიფირებული.სახელმძღვანელოების ავტორების მიერ და თანმიმდევრობით მიჰყვება.მოსწავლის წიგნის პარაგრაფებს. რვეულები გათვლილია როგორც კლასში, ისე სახლში სამუშაოდ და გამოგადგებათ ახალი მასალის.განსამტკიცებლად და განვლილის გასამეორებლად.