25 ლარის ზემოთ მიწოდება უფასოა.

წიგნები

ითამაშე და ისწავლე

სულაკაურის გამომცემლობის საბავშვო შემეცნებითი სერია

როგორ მოვახერხოთ ისე, რომ ბავშვებმა დრო შემეცნებითადაც გაატარონ, ოღონდ ეს რუტინა კი არა, დამატებითი გასართობი იყო მათთვის?

გთავაზობთ ბავშვებისთვის განკუთვნილ  წიგნებს სულაკაურის გამომცემლობის სერიიდან ითამაშე და ისწავლე.

„ითამაშე და ისწავლე“ ახალი სერიაა, რომელიც სახალისო აქტივობებითა და თემებით 2-13 წლის ბავშვებისათვის განკუთვნილ წიგნებს აერთიანებს.

თითოეული დასახელება მოიცავს ფაზლებს, 3D-კონსტრუქციებს, გასაფერადებლებსა თუ სტიკერებს. თითოეული წიგნი და კომპონენტი დამზადებულია ეკოლოგიურად სუფთა, მაღალი ხარისხის მასალით.

თუ თქვენი პატარა გამოხატავს წიგნების მიმართ ინტერესს – იცის, როგორ დაიჭიროს წიგნი, როგორ გადაშალოს, როგორ „წაუკითხოს“ თავის თავს თუ თოჯინას ან უკირკიტოს ილუსტრაციებს, ეს იმას ნიშნავს, რომ ის დაწყებითი წიგნიერების ქცევებს ავლენს და თქვენი დახმარება სჭირდება, რათა ამ ინტერესის დაკმაყოფილებითა და კიდევ უფრო მეტად გაღვივებით, სამომავლოდ კარგ მკითხველად ჩამოყალიბდეს.

ადრეული წიგნიერების ხელშემწყობი აქტივობები ბავშვებს უვითარებს ენობრივ და ზოგად სააზროვნო უნარებს. წაკითხულისა და მოსმენილის გააზრება, ინფორმაციის დამუშავება, იდეებისა და მოსაზრებების ჩამოყალიბება და გამოთქმა ის უნარებია, რომლებსაც ადამიანი მთელი ცხოვრების განმავლობაში იძენს და რომლებიც მას თვითგამოხატვაში, გადაწყვეტილებების მიღებასა და პრობლემის ადვილად დაძლევაში ეხმარება. ადრეული წიგნიერება და წიგნებთან ჩვილობიდანვე ხშირი, ყოველდღიური შეხება პატარებს დაწერილი სიტყვების დამახსოვრებასა და მომავალში წერა-კითხვის ადვილად შესწავლასაც  გაუადვილებს.

ათამაშეთ, ასწავლეთ და გაუხალისეთ დღეები თქვენს პატარებს!

 

გვერდზე ნაჩვენებია 1–12 - 27 წიგნიდან