Image Alt

წიგნები

ორი ქალაქის ამბავი

29,90 

მთარგმნელი: ლელა დუმბაძე

მოყვასის მიმართ ენით აუწერელ სისასტიკეს ამოუხსნელი სიმაღლის ქრისტიანული სიყვარული და თავგანწირვა უპირისპირდება, ტრაგიზმს – სატირა და იუმორი, ეპოქის თუ გარემოს სიღრმისეულ აღწერას – დაძაბული დეტექტიური სიუჟეტი, და უმაღლესი სამწერლობო ოსტატობით ნაძერწ პერსონაჟებთან ერთად თქვენდაუნებურად თავდავიწყებით გადაეშვებით კაცობრიობის ისტორიის უმნიშვნელოვანესი ეპოქის პარიზსა და ლონდონში სამოგზაუროდ.

მარაგშია

არტიკული: 9789941305795 კატეგორია: ჭდე: ,

გაერთიანებული სამეფო

ჩარლზ დიკენსი

1812 - 1870

ბრიტანელი მწერალი ჩარლზ დიკენსი 1812 წლის 7 თებერვალს ინგლისის სამხრეთით მდებარე ზღვისპირა ქალაქ პორტსმუტში დაიბადა. შვიდ და-ძმას შორის ის რიგით მეორე ვაჟი იყო.

ოჯახი ხელმოკლედ ცხოვრობდა, ხოლო ლონდონში გადასვლის შემდეგ, როცა ჩარლზი 12 წლის იყო, დიდი ვალების გამო, მამა ციხეში ჩასვეს. ამ პერიოდიდან დიკენსი თავად ცდილობდა, ოჯახის რჩენაზე ეზრუნა და, უმეტესად, შავი სამუშაოს კეთება უწევდა. მოგვიანებით მისი იუმორისტული სკეტჩები, რომლებსაც ფსევდონიმით აქვეყნებდა, სხვადასხვა ჟურნალში გამოჩნდა.

24 წლისას უკვე თავისი ჟურნალი ჰქონდა, რომელშიც პირველი რომანის, „ოლივერ ტვისტის“, გამოქვეყნება დაიწყო. რომანს, როგორც დიდ ბრიტანეთში, ისე ამერიკაში, დიდი წარმატება ხვდა წილად. მომდევნო წლებში გამოიცა მისი არანაკლებ ცნობილი რომანებიც, რომლებიც დღეს კლასიკადაა აღიარებული.

აღწერა

ნუ შეგაშინებთ წიგნის სიდიდე ან ის, რომ „ორი ქალაქის ამბავი“ სამი საუკუნის წინანდელ ისტორიულ მოვლენებს ეფუძნება, რადგან, თქვენდა გასაოცრად, უამრავ საერთოს აღმოაჩენთ დღევანდელობასთან. რომანი, რომელიც მხატვრული ტექსტის სტილისტიკურ ინტერპრეტაციაში სამაგიდო წიგნადაა აღიარებული, საფრანგეთის რევოლუციის ეპოქას აღწერს, მაგრამ წარმოუდგენლად თანამედროვედ მოგეჩვენებათ.

ოღონდ არ გეგონოთ, რომ ის, რაც იქ ხდება, წარსულს ჩაბარდა ან, რომ დიკენსი მოკვდა: ის ისეთივე ცოცხალია დღეს, როგორც 1859 წელს, როცა ამ რომანს წერდა. დაბოლოს, ერთი ამონარიდი ვახტანგ ჯავახაძის პუბლიკაციიდან „ისევ გალაკტიონი“: „დიკენსი გალაკტიონის რჩეულ ავტორთა შორის უნდა დავასახელოთ: „…აქ ვკითხულობდი დიკენსს.

…დიკენსის გმირივით მიყვარდა ცეცხლთან ჩაფიქრება. …მიყვარდა, როგორც დიკენსის გმირებს, ცეცხლთან ღვინის სმა და გაფიქრება.

…როგორც უყვარდათ დიკენსის გმირებს. …ავიღებ ხელში ისევე დიკენსს. …ვარჩევდი დიკენსს. …დავხურავ დიკენსს.“ ასე რომ, „ორი ქალაქის ამბავი“ ნამდვილად წასაკითხი ამბავია.

ციფრული ვერსიის შესაძენად დააჭირე აქ

ISBN 9789941305795
ყდის ტიპი

მაგარი ყდა

გამოცემის წელი

2020

ფორმატი

14.50 X 21.50

გვერდების რაოდენობა

512

დამატებითი ინფორმაცია

წონა 0.28 kg
ზომები 1.5 × 13 × 19.5 cm

მიმოხილვა

მიმოხილვები ჯერ არ არის.

მხოლოდ ავტორიზირებულ მომხმარებელს, ვისაც აქვს ეს პროდუქტი შეძენილი, შეუძლია დატოვოს შეფასება.