საიტზე წიგნების შეძენა განახლებულია.
სტივ ბრიუსი

სოციოლოგია - ძალიან მოკლე შესავალი ახალი

წელი: 2019
ყდა: რბილი
გვერდები: 160
ფორმატი: 11.10 X 14.70
ISBN: 9789941302855

გაზიარება

მთარგმნელი: ლაშა გველესიანი

სამეცნიერო რედაქტორი რატი შუბლაძე​

ბრძნული, ინფორმაციული და თავშესაქცევი. ყველამ, ვისთვისაც ეს დარგი ახალია, სოციოლოგიის გაცნობა ამ წიგნით უნდა დაიწყოს“.

პროფესორი გორდონ მარშალი, ბრიტანეთის აკადემიის წევრი

„სტივ ბრიუსი შესანიშნავი მეგზურია: დარგს იცნობს, იცის , რა არის მნიშვნელოვანი და ისიც, ამბავ ს როგორ მოჰყვეს. იშვიათ შედეგს ვიღებთ: წიგნს სოციოლოგიაზე, რომელსაც ხელიდან ვერ გააგდებთ“.

დევიდ ვოუსი, ლონდონის საუნივერსიტეტო კოლეჯი

სოციალური კლასის, დანაშაულისა და ნორმიდან გადახრის, განათლების, ბიუროკრატიზმის, რელიგიური და პოლიტიკური დაყოფის კვლევებზე აგებული ეს „ძალიან მოკლე შესავალი“ გვიხსნის სოციოლოგიის ფუნდამენტურ პრინციპებს, თან ითვალისწინებს, როგორ აყალიბებს ინდივიდს საზოგადოება და პირიქით. ამ ახალ გამოცემაში სტივ ბრიუსი აზუსტებს სოციოლოგიის, როგორც დარგის ბუნებას. იცავს რა „მეცნიერებას“ საკუთრივ სოციალურ მეცნიერებებში, ავტორი ამტკიცებს: ვიდრე სოციოლოგიას განსაზღვრავს ახალი დღის წესრიგი და იდეები, არა მხოლოდ შესაძლებელი, არამედ აუცილებელიცაა ობიექტური, მიუმხრობელი სოციალური ანალიზი.
 

სტივ ბრიუსი საერთაშორისოდ აღიარებული რელიგიის სოციოლოგია. 1978-1991 წლებში ასწავლიდა ქუინსის უნივერსიტეტში, ბელფასტში. 2001 წლიდან აბერდინის უნივერსიტეტში სოციოლოგიის პროფესორია. 2003 წელს ბრიტანეთის აკადემიის, 2005 წელს კი ედინბურგის სამეფო საზოგადოების წევრად აირჩიეს. სტივ ბრიუსი რამდენიმე წიგნის ავტორია, მათ შორისაა: „სეკულარული ამარცხებს სულიერს“ (ოქსფორდის უნივერსიტეტის გამომცემლობა, 2017), „ბრაიან უილსონის რელიგია სეკულარულ საზოგადოებაში: 50 წლის შემდეგ“ (ოქსფორდის უნივერსიტეტის გამომცემლობა, 2016), და „შოტლანდიელი ღმერთები: რელიგია თანამედროვე შოტლანდიაში“ (ედინბურგის უნივერსიტეტის გამომცემლობა, 2014).

რეცენზია

11 სექტემბერი 2019

სოციოლოგია: ძალიან მოკლე შესავალი - რევიუ

„ბრომიდები ყოველთვის ბრომიდებივით იქცევიან, ადამიანები კი შეიძლება დაფიქრდნენ იმაზე, თუ რას აკეთებენ“ - წერს სტივ ბრიუსი 2018 წელს, ოქსფორდის პრესის მიერ გამოცემულ წიგნში - „სოციოლოგია: ძალიან მოკლე შესავალი“. წიგნი ახალბედებს საშუალებას აძლევს თვალი შეავლონ სოციალური სამყაროს იმ თვალუწვდენელ დიაპაზონს, რომელსაც სოციოლოგია მოიცავს, ხოლო დარგის გამოცდილ პროფესიონალებს, შეახსენებს მისი ადამიანური წარმოშობის შესახებ. მცირე ზომის, ერთობ მოკრძალებული სათაურის მქონე წიგნი ეხება ისეთ ფართო თემებს, როგორიც არის მეცნიერული და არამეცნიერული სოციოლოგიის განსხვავებები, დანაშაულის, სოციალური კლასის, განათლების, დევიაციის, ეთიკის, რელიგიის, თანასწორობის, პოლიტიკის, იდეოლოგიისა და სოციალური თეორიის საკითხები.  ამისთვის კი ავტორი ირჩევს მარტივ ენას და მსუბუქ მიდგომას, რომლითაც პროფესიული ტერმინები და შთამბეჭდავი ფრაზები ადამიანური ყოფის, ყოველდღიურობის ამსახველად გვევლინება. ქართულ სინამდვილეში სოციოლოგიის შესახებ ადგილობრივად მწირი ლიტერატურა მოიპოვება. შესაბამისად, მის გასაგებად დიდი მნიშვნელობა ენიჭება თარგმანებს. ასეთმა წიგნებმა სოციოლოგიით ახლად დაინტერესებული ადამიანი უცხო ლექსიკით კი არ უნდა შეაშინოს, არამედ, პირიქით, ის უნდა იყოს ერთგვარი გზამკვლევი სოციალური რეალობის ჩახლართულ ლაბირინთებში.  ვფიქრობ სოციოლოგიის ძალიან მოკლე შესავალი ამ ამოცანას თავს ბეჯითად ართმევს.       ავტორი: ქეთი სართანია        

მიმოხილვები და კომენტარები:

10 .90 ¢
ან შეიძინეთ 109 .00 ბონუს ქულით
+ 10.90 ბონუს ქულა
წიგნის შეძენისას
ახალი
ედუარდ კრეიგი

ფილოსოფია - ძალიან მოკლე შესავალი

ახალი
კენეთ მინოუგი

პოლიტიკა - ძალიან მოკლე შესავალი

ახალი
გრემ პრისტი

ლოგიკა - ძალიან მოკლე შესავალი

ახალი
ჯილიან ბატლერი, ფრედა მაკმანუსი

ფსიქოლოგია - ძალიან მოკლე შესავალი