საიტზე წიგნების შეძენა დროებით შეჩერებულია. ბოდიშს გიხდით შეფერხებისთვის.

საოცრება ბესტსელერი

წელი: 2016
ყდა: რბილი
გვერდები: 336
ფორმატი: 14.00 X 21.00
ISBN: 9789941236624

გაზიარება

მთარგმნელი: ციცო ხოცუაშვილი

ავგუსტ პულმანი დეფორმირებული სახით დაიბადა, რის გამოც სკოლაში არ დადიოდა. ახლა კი მეხუთე კლასში უნდა დაიწყოს სწავლა. თუ ოდსმე სკოლიდან სკოლაში გადასულხარ, გეცოდინება, რა სიძნელეები ელის მას. ავგუსტი ხომ ჩვეულებრივი ბიჭია, მხოლოდ სახე აქვს უჩვეულო. დაიჯერებენ მისი თანაკლასელები, რომ გარეგნობის მიუხედავად, ავგუსტი მათნაირი ბავშვია?
ეს არის წიგნი, რომელსაც ვერ მოსწყდები და აქ არიან გმირები, რომლებსაც პირველიდან ბოლო გვერდამდე უგულშემატკივრებ. 

რეცენზია

02 დეკემბერი 2016

საოცრება ბიჩერის სკოლაში

ზოგი ბავშვი ფიქრობს, რომ ავგუსტ პულმანი მუტანტია. ზოგი ორკს ან  ფრედი კრიუგერს ეძახის, ზოგიც ზომბად მიიჩნევს. სასადილოში პულმანის მაგიდასთან დაჯდომას მხოლოდ ერთი გოგონა ბედავს, სასკოლო კარადაში კი ყოველდღიურად ახალ-ახალი წერილები ჩნდება: „დეფექტურო!“ „გაეთრიე ჩვენი სკოლიდან, მონსტრო!“ პატარა ბავშვებს კარგი ისა აქვთ, რომ დასაცინად საგანგებოდ არაფერს გეუბნებიან. მართალია, ხანდახან შეიძლება რაღაც ისეთი გითხრან, რომ გაწყენინონ, მაგრამ სინამდვილეში ვერ ხვდებიან, რას გეუბნებიან. დიდმა ბავშვებმა კი პირიქით, მშვენივრად იციან, რასაც ამბობენ.     ამ სიტყვებსთავად ავგუსტ პულმანი წერს, მეხუთეკლასელი ბიჭი, რომელიც საზოგადოების სტერეოტიპული დამოკიდებულების, დისკრიმინაციისა და ბულინგის მსხვერპლია. ექიმების დასკვნით, ავგუსტს აქამდე უცნობი სახეობის ყბა-სახის დიზოსტოზი აქვს, რომელიც მე-5 ქრომოსომაში არსებული TCOFI1 გენის ავტოსომურ-რეცესიულიმუტაციითა გამოწვეული. უბრალო ენით კი, ბიჭს დეფორმირებული სახე აქვს, რაც გენური ანომალიითა განპირობებული. ორი წლის მანძილზე ავგუსტი კოსმონავტის ჩაფხუტით დადის, მისი საყვარელი დღესასწაული კი ჰელოუინია - წელიწადის ერთადერთი დღე, როცა ბიჭი თავს საზოგადოების სრულფასოვან წევრად გრძნობს. ჰელოუინზე ხომ ყველას ნიღაბი უკეთია და არავინ აშტერდება ისე, თითქოს ურჩხულს ხედავდეს. დანარჩენ დღეებში ადამიანების რეაქცია ავგუსტისდანახვაზე უნებლიე შეძახილი, მზერის არიდება, ან დაცინვაა, რის გამოც ბიჭი თავს გარიყულად გრძნობს და გამუდმებით ცდილობს, დაამტკიცოს, რომ ჩვეულებრივი ბავშვია. თუმცა, არის კი ავგუსტი ჩვეულებრივი ბავშვი? სხვა უამრავი თანატოლივით, მასაც ნაყინი და წიგნები უყვარს, ძაღლი ჰყავს და „ვარსკვლავური ომების“ ფანია, მაგრამ ავგუსტს ერთი გამორჩეული თვისება აქვს: სხვების დაცინვას თვითირონიით პასუხობს და არასოდეს მიმართავს ძალადობას თავის დასამკვიდრებლად. ავგუსტ პულმანი იმიტომ კი არ არის „საოცრება“, რომ დეფორმირებული სახე აქვს, არამედ იმიტომ, რომ სიყვარულისა და პატიების ნიჭითაა დაჯილდოვებული და საბოლოოდ, სწორედამ ნიჭისწყალობით ახერხებს, გარშემომყოფებს მათი სტერეოტიპების უაზრობა გააცნობიერებინოს და სიკეთის გზა აარჩევინოს.      რ.ჯ. პალაციო რომანში ძალიან მწვავე და აქტუალურ თემებს ეხება: ჯგუფის მიერ ცალკეული ინდივიდისდისკრიმინაციასა და ბულინგს, რომლის შედეგიც ხშირ შემთხვევაში მსხვერპლის გაცნობიერებული, მიზანმიმართული იზოლაციაა.     წიგნს რამდენიმე მთხრობელი ჰყავს და ავგუსტის ისტორიის გარდა ჩვენ სხვა ბავშვების პრობლემებსაც ვეცნობით. ზოგს მშობლების უყურადღებობა აწუხებს, ზოგს - სიღარიბე, ზოგს - თინეიჯერული კომპლექსები, მაგრამ საბოლოოდ, ყველა მათგანი საერთო ნიშნით ერთიანდება: ავგუსტ პულმანის წყალობით, გარიყულობის განცდას ამარცხებენ, შიშებსა და სიმორცხვეს სძლევენ და ზუსტად ისეთები ხდებიან, როგორებიც სინამდვილეში არიან. ეს უკვე გააზრებული არჩევანია, რომელსაც მყარი საფუძველი აქვს. მიუხედავად იმისა, რაც ბიჩერის სკოლაში დეფორმირებული სახის მქონე ბავშვის გარშემო ხდება, ერთი ფაქტორი არაფრის დიდებით არ უნდა გამოგვეპაროს: ავგუსტს გვერდში ოჯახი უდგას და გვერდში უდგანან მასწავლებლები, რაც, სამწუხაროდ, რეალობაში ხშირად ასე არ ხდება. უმეტესწილად, უფროსები ბავშვების გასაჭირს ვერ ამჩნევენ ხოლმე ან თუ ამჩნევენ, არაფერს აკეთებენ იმისთვის, რომ მსხვერპლს თვითრწმენა ჩაუნერგონ, მოძალადეს კი საკუთარი სისასტიკის გაანალიზებაში დაეხმარონ.     ბულინგის მსხერპლი ბავშვები მომავალშიც დაბალი თვითშეფასებით, შფოთვებითა და დეპრესიებით იტანჯებიან. მათ სოციუმთან ადაპტაცია უჭირთ, რადგან საზოგადოებაში ყოფნა მათში დაძაბულობის ხარისხს ზრდის და შესაბამისად, სტრესის გამომწვევია. ხოლო ვინაიდან ყველა ავგუსტ პულმანივით ძლიერი არაა, ალბათ,სჯობს, საკუთარი უპირატესობა სხვების დამცირებით კი არ ვამტკიცოთ,უბრალოდ, მეტი სიკეთე და სიყვარული გავცეთ და ზუსტად ისეთები მივიღოთ ადამიანები, როგორებიც არიან. ინგლისურის მასწავლებელმა ხომ მარტის თვისთვის ასეთი შესანიშნავი მაქსიმა აარჩია:     „კეთილი სიტყვა ძვირი არ ღირს, თუმცა ბევრი ძალუძს“.

მიმოხილვები და კომენტარები:

12 .90 ¢
ან შეიძინეთ 129 .00 ბონუს ქულით
კალათაში ჩამატება
+ 12.90 ბონუს ქულა
წიგნის შეძენისას