საიტზე წიგნების შეძენა დროებით შეჩერებულია. ბოდიშს გიხდით შეფერხებისთვის.
ლაშა ბუღაძე

პატარა ქვეყანა ბესტსელერი

წელი: 2017
ყდა: რბილი
გვერდები: 501
ფორმატი: 14.50 X 21.50
ISBN: 9789941239106

გაზიარება

„პატარა ქვეყანა“ ნახევრად ავტობიოგრაფიული ტექსტია: მასში მოთხრობილია თავად ავტორის და საქართველოს ბიოგრაფია ოთხმოცდაათიანი წლების დასაწყისიდან უახლეს პერიოდამდე. ამ მცირე ხნის განმავლობაში პატარა ქვეყანა საბჭოთა კავშირს გამოეყო, დამოუკიდებლობა მოიპოვა, ოთხი ომი და ერთი რევოლუცია გადაიტანა და ოთხი პრეზიდენტი შეიცვალა. ეს არის რომანი ცვლილებების, ილუზიებისა და შიშების შესახებ, რომელშიც ავტორი ჩვეული სარკაზმით მოგვითხრობს, როგორ ცხოვრობდა ხალხი ცვლილებებით სავსე ეპოქაში; რას ეგუებოდა და რას უძალიანდებოდა; რა მოსწონდა და რა – არა; როგორ შეირაცხა ახალგაზრდა მწერალი წმინდანის შეურაცხმყოფლად სატირული მოთხრობის გამო; როგორ გადაურჩა ეკლესიისგან განკვეთას და რა როლი შეასრულეს ამ აბსურდულ ამბავში პატარა ქვეყნის სამმა პრეზიდენტმა და საქართველოს მართლმადიდებელი ეკლესიის კათალიკოს-პატრიარქმა.

რეცენზია

11 ივნისი 2018

"პატარა ქვეყანა"- რეცენზია

ქართულმა მწერლობამ 90-იანი წლებიდან დაიწყო კლიშეების ნგრევა, რაც, სხვადასხვა ფორმით გამოიხატა, იქნებოდა ეს "საბჭოთა სოციალისტური რეალიზმიდან" მკვეთრად განსხვავებული, აწ უკვე დეიდოლოგიზებული მიმართულებები, რომელშიც თავისუფლების სუნთქვა ისმოდა - იქნებოდა ეს თემატიკა თუ ლექსიკა, განსაკუთრებით, ამ უკანასკნელით "იბრძოდა" ახალი თაობა, რომ მკაცრად მოჩარჩოებულ სამწერლო ენაში ლექსიკის ახალი ნაკადი ჩაეღვარა. რომანი ერთ-ერთ ასეთ ფაქტსაც აღწერს, კერძოდ, - დათო ბარბაქაძის მიერ სახელმწიფო უნივერსიტეტში გამართულ პრეზენტაციას, სადაც იმ დროისთვის ახალგაზრდა და გაბედულმა პოეტმა ნეომოდერნის თუ პოსტმოდერნის ჟანრში დაწერილი მხატვრული ტექსტი სახეში მიახალა "აკადემიურ აუდიტორიას". რისხვას მწერლის მოკვლა არ მოჰყოლია, მაგრამ შფოთვამ და დრტვინვამ კი შეძრა ჩვენი "თეთრი ტაძრის" კედლები. სამაგიეროდ, ამ ფაქტმა იმ ადამიანთა "გულები გადახსნა", ვისთვისაც ჭაობად და გუბედ ქცეულიყო, თითქმის, ყველაფერი, რაც სუფრებსა და სადღეგრძელოებში გამოხატულ პატრიოტულ პათოსამდე იყო დაყვანილი. ეს დამყაყებული ჭაობი უნდა ამომშრალიყო და ვის უნდა ამოეშრო, მწერალთა და ხელოვანთა გარდა. როგორც თავის დროზე ბოლშევიკურმა სახელმწიფომ ამოიყენა მხარში კინო და ლიტერატურა, ისევე უნდა აეღო დიდი მისია იმპერიისგან გამოხსნილი, დამოუკიდებელი სახელმწიფოს დეიდოლოგიზაციისთვის მწერლობას და ხელოვნების სხვა დარგებს. სიტყვას უნდა დაენგრია ყველა კერპადქცეული, აწ უკვე ფსევდოფასეულობა, რაკი ისინი თავიანთ მთავარ ფუნქციას - ღირებულებით სტატუსს ვეღარ აკმაყოფილებდნენ და თაროებზე შემოდებულ, მტვერწაყრილ ნივთებს დამსგავსებოდნენ. ანდა გასაკვირი რა იყო - პირველი დიდი დარტყმა ილიამაც ენას მიაყენა, მაღალი შტილით გაქვავებულ ენას, რომელსაც სიცოცხლე და განახლება სჭირდებოდა, მისი ენაც სიბილწედ მოინათლა თავის დროზე,- ენის გაუბრალოებად და შეურაცხყოფად. ერთი-ორი სიტყვა აქვე მსურს დავუთმო აქ ნახსენებ სიტყვას - "შეურაცხყოფა" - თუ ადრე ამ ლექსიკური ერთეულის შინაარსი თამაშობდა განსაკუთრებულ როლს მთელი უკანასკნელი ორი საუკუნის განმავლობაში, რაკი მთელი კოლომიზატორული ეპოქა ამ ნიშნით (შეურაცხყოფის მიყენებებით) ხასიათდებოდა - იქნებოდა სახელმწიფოს გაუქმება, ეკლესიისთვის ავტოკეფალიის ჩამორთმევა, არისტოკრატიის მიწასთან გასწორება, ე.წ. დაბალი სოციალური ფენის გახრწნა-გადაგვარება და ა.შ. იმპერიის დანგრევის შემდეგ ამ სიტყვამ შეიძინა სრულიად საპირისპირო, ამოყირავებული კონოტაცია, რომელსაც დაევალა თუ ჩამოეკიდა მთელი ის კვაზი-ფასეულობები, რომელნიც რეალურის ნაცვლად შემოგვაჩეჩეს ხელთ. ამიტომაც ამ სიტყვის აქტიური გამოყენებით ეცადა და დღემდე ცდილობს თავის გატანას ყველა, ვისაც რიოში მარგალიტების ობოლ მარგალიტებად შემოსაღება განუზრახავს. ორი საუკუნის მანძილზე გადაგვარებულმა ფასეულობათა სისტემამ, უფრო ზუსტად, ამ ფსევდოფასეულობათა დამცველმა ელიტამ ეს სიტყვა ააფრიალა ბაირაღად და ცხვირში გვჩრის დღემდე, როგორც "ახალ აღთქმას" ანდა - სინას მთის იმპერატივებს.   მაკო ჯანჯიბუხაშვილი

მიმოხილვები და კომენტარები:

15 .90 ¢
ან შეიძინეთ 159 .00 ბონუს ქულით
კალათაში ჩამატება
+ 15.90 ბონუს ქულა
წიგნის შეძენისას
ირმა მალაციძე

ანდაზები - არაკები

დონალდ ბისეტი

ძია ტიკ-ტაკის მოგზაურობა

თამრი ფხაკაძე

გრძელცხვირა ჯადოქარი მარსია, მეფე ბუთხუზ პირველი და სხვები

დონალდ ბისეტი

ყველაფერი ყირამალა

რუდოლფ რასპე

ბარონ მიუნჰაუზენის თავგადასავალი

ჯოელ ჰარისი

ბიძია რიმუსის ზღაპრები

ტარიელ ხავთასი

ზოოპარკის ბინადართა თავგადასავლები

ნინო ნაკაშიძე

მახობელა და სხვა მოთხრობები

დავით ჯავახიშვილი

ბიძია სევას ამბები

ლუის კეროლი

ელისის თავგადასავალი საოცრებათა ქვეყანაში

იაკობ გოგებაშვილი

იავნანამ რა ჰქმნა და სხვა მოთხრობები

ეკატერინე გაბაშვილი

მაგდანას ლურჯა და სხვა მოთხრობები

ჯემალ ქარჩხაძე,მაკა მიქელაძე

ბერძნულ-რომაული მითები

ჰარიეტ ბიჩერ სტოუ

ბიძია თომას ქოხი

თეა თოფურია

ერთი ძალიან გრძელი დღე სხვა პლანეტაზე

ვასილ ბარნოვი

არმაზის მსხვრევა და სხვა მოთხრობები

ლეო ქიაჩელი

თავადის ქალი მაია და სხვა მოთხრობები

მიხეილ ჯავახიშვილი

კურკას ქორწილი და სხვა მოთხრობები

ეგნატე ნინოშვილი

ქრისტინე და სხვა მოთხრობები