საიტზე წიგნების შეძენა დროებით შეჩერებულია. ბოდიშს გიხდით შეფერხებისთვის.
აიზეკ აზიმოვი

დასაბამი

წელი: 2017
ყდა: რბილი
გვერდები: 336
ფორმატი: 13.00 X 19.50
ISBN: 9789941238482

გაზიარება

მთარგმნელი: ირაკლი ლომოური

სამეცნიერო ფანტასტიკის „დიდი სამეულიდან“ ერთ-ერთს, აიზეკ აზიმოვს, სხვადასხვა კატალოგის მიხედვით 500-ზე მეტი ნაწარმოები აქვს შექმნილი. მისმა ნაწერებმა წარუშლელი კვალი დატოვა არა მხოლოდ თანამედროვე ლიტერატურაზე, არამედ მეცნიერების სხვადასხვა დარგზეც. შეიძლება ითქვას, რომ სერია „დასაბამი“ აზიმოვის კოლოსალური შემოქმედების ხერხემალია. ეს წიგნი პირველია სამიდან, რომლებიც თითქმის 30 წლის განმავლობაში „დასაბამის ტრილოგიის“ სახელით იყო ცნობილი. შემდგომში აზიმოვმა სერიას 4 წიგნი შემატა და „დასაბამმა“ ამ სამყაროს ქრონოლოგიაში მესამე ადგილზე გადაინაცვლა.  
აიზეკ აზიმოვის „დასაბამით“ „ბაკურ სულაკაურის გამომცემლობა“ ახალ, სამეცნიერო ფანტასტიკის ჟანრის სერიას იწყებს. ამ სერიის ფარგლებში შერჩეულმა ნაწარმოებებმა სხვადასხვა პერიოდში დასაბამი დაუდეს უამრავ დისკუსიასა თუ თეორიას და ყოველი მათგანი დღეს ჟანრის კლასიკადაა მიჩნეული.

რეცენზია

27 სექტემბერი 2017

აზიმოვის დასაბამის „დასაბამი''

რა არის ადამიანი და მისი დასაბამი? ერთი შეხედვით ეს განუსაზღვრელი არსება - მე, შენ და ყველა სხვა, - ისტორიაში, ფსიქოლოგიასა და მათემატიკაში შეგვიძლია მოვაქციოთ. ისტორია თუ მასების ქცევა, საერთო რეაქციები და კოლექტიური ინფორმაციაა, ფსიქოლოგია ინდივიდების აღქმა, ნეირონების ჯაჭვში გაჩენილი ილუზიაა, რომელიც გვაჯერებს, რომ „მე“ შეიძლება სამყაროს ცენტრი იყოს, მათემატიკა კი ამ ყველაფრის ჯამია. ადამიანი სოციალური ცხოველი და, ამასთან ერთად, ინდივიდია. სწორედ ეს ოქსიმორონია ერთგვარი მიწოდება-მოხმარება. ჩვენ ყოველდღე გვიწევს საზოგადოებაში ადაპტირება, კოლექტივს საკუთარ თავს ვაწვდით, ეს უკანასკნელი კი მას ამუშავებს. ჩვენ პროდუქტი ვართ, ხოლო საზოგადოება - ბაზარი. ჩვენ ვიბადებით საზოგადოებაში, შესაბამისად ვმუშავდებით და  ვიყიდებით. დღეს არსებობენ ბაზრის მკვლევარები. ისინი ცდილობენ გათვალონ და განსაზღვრონ, თუ როგორ მუშაობს ეკონომიკა, შესაბამისად, მათი მიზანია, იწინასწარმეტყველონ წარმოებული პროდუქციის მომავალიც. აიზეკ აზიმოვთან ასეთი მკვლევრები ფსიქოისტორიკოსები არიან, მათ არ აინტერესებთ კერძო პროდუქტი, მათთვის პროდუქტი კაცობრიობა და ცივილიზაციაა. ჰარი სელდონი შორეულ მომავალში, გალაქტიკური ერის 11988 წელს დაიბადება და მომავალს დაითვლის. გალაქტიკური იმპერიაც დაითვლის, მაგრამ ის - საკუთარი არსებობის უკანასკნელ წლებს. ეს ყველაფერი ჰარი სელდონს, როგორც მოწინავე ფსიქოისტორიკოსს, მშვენივრად მოეხსენება, ის დიდებული ისტორიკოსი, ფსიქოლოგი და მათემატიკოსია. ისტორიაზე დაკვირვებით, მასების და ინდივიდების ქცევით და ამ ყველაფრის გამოთვლით, მან იცის, რომ იმპერიას დიდი ხნის სიცოცხლე არ დარჩენია. თუმცა, დასასრულს ყოველთვის დასაწყისი მოჰყვება. ასე არა მხოლოდ ადამიანების ცივილიზაციაა მოწყობილი, თავად სამყაროს კანონებიც ამ ფუნდამენტზეა დაშენებული. შესაბამისად, მან ვინც იცის, რომ დასასრული ახლოვდება, დასაბამი უნდა მოიფიქროს. ჰარი სელდონი ამ მძიმე ტვირთს საკუთარ გონებას აკისრებს... ისტორიის, ფსიქოლოგიის და მათემატიკის სინთეზით აზიმოვი გვთავაზობს მომავლის პროფესიას - ფსიქოისტორიკოსობას. „დასაბამში“ ჰარი სელდონს მეცნიერება რელიგიის მასშტაბებზე აჰყავს. ის ერთგვარი მესიაა, რომელიც მომავალში ღმერთსაც უტოლდება და მის გათვლილს თაობები, როგორც რელიგიას, ისე მიჰყვებიან. რა არის სელდონის სამეცნიერო რელიგიის ამოსავალი წერტილი? ალბათ, ფუნდამენტი მაინც ხერხზე გადის. ხერხი ღონეს ყოველთვის მოერევა, მაგრამ აზიმოვი „დასაბამით“ მიგვანიშნებს, რომ არც ხერხი და არც ღონე სტატიკური არ არის. ისინი ადგილებს იცვლიან. დღევანდელი ხერხი ხვალ შეიძლება ცარიელ ღონედ მოგვევლინოს, ხოლო ის რაც ღონე იყო, ახლა ხერხად ტრანსფორმირდეს. აზიმოვი ერთგვარ პარალელურ სამყაროს, ამოტრიალებულ რეალობას გვიჩვენებს, რომელშიც რელიგია და მეცნიერება ერთამენთს არ უპირისპირდებიან, პირიქით - „დასაბამში“ მეცნიერება ხდება რელიგია. მეცნიერების ველური ძალა თავს რელიგიის მოხერხებულობაში აფარებს. მეცნიერების ხერხი რელიგია ხდება. მიუხედავად ამისა, წიგნის კითხვისას მეტამორფოზის მოწმენი ვხდებით: ძველი ხერხი ნელ-ნელა ბლაგვდება, კბილები უჩლუნგდება და შიშველ რკინად რჩება, რომელიც კი არ ჭრის, არამედ მხოლოდ აზიანებს. ერთი სიტყვით, წიგნის ბოლოსკენ აქ უკვე რელიგიაა მოძველებული და ხერხიდან უხეშ ძალაში გადასული. ასეთ დროს ახალი ხერხი ხდება საჭირო და რელიგიის ადგილს კომერცია იკავებს. შეიძლება ითქვას, ამით ავტორი შუა საუკუნეების რელიგიურ ფანატიზმს ველური კაპიტალიზმით ცვლის, სადაც „ქურუმებს კომერსანტები ანაცვლებენ“. სელდონმა იცის, რომ მეცნიერება ერთგვარი ძალაა, რომელიც გამუდმებით თავშესაფარს ელის, და ზოგჯერ შეიძლება საპირისპიროს, თავისი თავისგან განსხვავებულს შეაფაროს თავი - თუნდაც ისეთს, როგორიც რელიგია ან ფულია. აშკარა ისაა, რომ ქართულ ენაზე თარგმნილ სამეცნიერო ფანტასტიკას კიდევ ერთი საინტერესო წიგნი შეემატა. აღსანიშნავია, რომ „დასაბამი“ ეს პირველია სამიდან, რომლებიც თითქმის 30 წლის განმავლობაში „დასაბამის ტრილოგიის“ სახელით იყო ცნობილი. დროთა განმავლობაში აზიმოვმა ტრილოგიას კიდევ ოთხი წიგნი შემატა და „დასაბამი“ ამ სამყაროს ქრონოლოგიაში მესამე ადგილზე გადავიდა. ასე რომ, წინ კიდევ 6 წიგნია. სამწუხაროდ, ფსიქოისტორიკოსი არ ვარ და მომავალს ვერ გავთვლი, მაგრამ რაც მთავარია, დასაბამის „დასაბამი“ შედგა. მომავალი უკვე მკითხველზეა დამოკიდებული.   (c) დათო სამნიაშვილი

22 სექტემბერი 2017

ცოდნა, რომელიც არ გაქვს

აიზეკ აზიმოვის „დასაბამი''               ჰეი შენ! წარმოდგენა არ მაქვს, ვინ ხარ, მაგრამ ზუსტად ვიცი, რას იზამს 1000 შენნაირი ამ სიტყვების წაკითხვის შემდეგ, და როგორ განვითარდება მოვლენები. საიდან ამდენი თავდაჯერება? ჰმ, კარგად მისმინე და ბოლოში დავუბრუნდები ისევ ამ თემას. რაც უფრო მეტს ვიგებთ ჩვენი წარსულის შესახებ, მით უფრო მარტივი ხდება მომავლის პროგნოზირება. დიახ, გარემო იცვლება, მოცემულობები იცვლება, მაგრამ გლობალურად რომ შევხედოთ, ადამიანი სტრესულ სიტუაციებში მაინც იმავენაირად რეაგირებს, როგორც საუკუნეების წინ რეაგირებდა, უბრალოდ ახლა ფორმაა შეცვლილი და ეს ყველაფერი შეიძლება შემდგომ „ფეისბუქზე“ დაპოსტოს, ეგაა და ეგ. ცოტათი დამთრგუნველიც კია იმის გაანალიზება, რომ მსგავსი ადვილად პროგნოზირებადი პრიმიტიული არსებები ვართ, მაგრამ რაცაა ეგაა, თავს ზემოთ ძალა არაა. თითქოს ამის გაანალიზებისთანავე აზრი ეკარგება ჩვენს ყოველდღიურ საქმიანობას - რა აზრი აქვს მაგ შენს საყურეს მარცხენა ყურზე, რომლითაც გგონია, რამეს ცვლი, ან მაგ შენს სოციალურ აქტივობას, ან შენს ლურჯ თმებს თუ სოლიდურ პიჯაკს, არანაირი აზრი არ აქვს იმიტომ, რომ ცალკე აღებული უმნიშვნელო ხარ, ხოლო როცა შენ სოციუმის წევრი ხდები, მნიშვნელობას იძენ. მინდა გითხრა, რომ ეს სოციუმი საბოლოოდ საით წავა და როგორ გაუმკლავდება სხვადასხვა კრიზისულ სიტუაციას, შეიძლება ითქვას, წინასწარ ვიცით. არა, ისე კი არ გაიგო, თითქოს ზუსტად იცოდეს ვინმემ, როგორ დასრულდება კაცობრიობის ისტორია, ეს შეუძლებელია. უბრალოდ ზუსტად ვიცით ყველა ის შესაძლო ვარიანტი, რომელთა არჩევანის წინაშეც დადგება კაცობრიობა და ასევე შეგვიძლია ამ ერთიანი მასის წარსული გამოცდილებიდან გამომდინარე, ვივარაუდოთ, დიდი ალბათობით რომელ ვარიანტს აარჩევს ის. მოდი, მეტი სიცხადე შევძინოთ საკითხს და წარმოვიდგინოთ ისეთი მეცნიერება, რომელიც ზემოთ აღწერილ ცოდნას მოგვცემდა. არსებობს ასეთი რამ დედამიწაზე? ასე ცალკე აღებული - არა, ცხადია. არც ერთი მეცნიერება არ ცდილობს დღეს ასე ცალსახად ადამიანის განვითარების პროგნოზირებას, ან რა ვიცით, შეიძლება ცდილობს კიდეც და გარკვეული პროგრესიც აქვს საქმიანობაში, უბრალოდ ჩვენ არ ვუწყით ამ ყველაფრის შესახებ, რადგან ჩვენ რომ მათი არსებობა ვიცოდეთ, მაშინ ამას შეიძლება ჩვენს არჩევანზე ემოქმედა. ასეა თუ ისე, ეს მეცნიერება, რომელიც ან არსებობს და ან არ არსებობს, სამი მეცნიერების ნაჯვარია - ფსიქოლოგიის, მათემატიკისა და ისტორიის. ისტორია, როგორც მასების მოქმედება გარკვეულ სიტუაციებში; ფსიქოლოგია, როგორც ინდივიდების მოქმედება გარკვეულ სიტუაციებში და მათემატიკა, როგორც ამ ყველაფერზე დაყრდნობით მომავლის პროგნოზირება და ალბათობების განსაზღვრა. რა კარგი იქნებოდა, ფსიქოისტორიკოსი რომ ყოფილიყავით, არა? თეორიულად შესაძლებელია, მაგრამ დიდ შრომას მოითხოვს. ფსიქოისტორიკოსობას რამდენად შეძლებთ, არ ვიცი, მაგრამ მე შემიძლია ერთ რამეში დაგეხმაროთ და გითხრათ, სად შეგიძლიათ ამ ცოდნის მიღება და შემდგომ თქვენთვის ვარჯიში. მაგრამ სანამ ამას გეტყოდეთ, ნაწერის დასაწყისს მინდა დავუბრუნდე. მიუხედავად იმისა, რომ წარმოდგენა არ მაქვს, ვინ ხარ, ზუსტად ვიცი, რას იზამს 1000 შენნაირი. ათასივე თუ არა, აბსოლუტური უმეტესობა მაინც. დაუკვირდი:  ამ მოცემულობაში ორი არჩევანი გაქვს - ან იყიდო/ითხოვო აიზეკ აზიმოვის „დასაბამი“ და სასწრაფოდ შეუდგე კითხვას ან არ იყიდო/ითხოვო და უბრალოდ გაატარო. 95% არის იმის ალბათობა, რომ პირველ ვარიანტს აირჩევ, რადგან ასეთ სიტუაციებში ადამიანების ქცევიდან გამომდინარე შემიძლია დამაჯერებლად ვთქვა, რომ ცნობისმოყვარეობა და ახალი ცოდნის მიღების სურვილი, მით უმეტეს ისეთის, როგორიცაა ფსიქოისტორია, საბედნიეროდ ჩვენი განვითარების წამყვანი ფაქტორია დღემდე. ჰოდა, ამ წიგნით შენ მიიღებ ცოდნას, რომელიც არ გაქვს.   (c) ჯაბა ზარქუა

მიმოხილვები და კომენტარები:

13 .90 ¢
ან შეიძინეთ 139 .00 ბონუს ქულით
კალათაში ჩამატება
+ 13.90 ბონუს ქულა
წიგნის შეძენისას
ირმა მალაციძე

ანდაზები - არაკები

დონალდ ბისეტი

ძია ტიკ-ტაკის მოგზაურობა

თამრი ფხაკაძე

გრძელცხვირა ჯადოქარი მარსია, მეფე ბუთხუზ პირველი და სხვები

დონალდ ბისეტი

ყველაფერი ყირამალა

რუდოლფ რასპე

ბარონ მიუნჰაუზენის თავგადასავალი

ჯოელ ჰარისი

ბიძია რიმუსის ზღაპრები

ტარიელ ხავთასი

ზოოპარკის ბინადართა თავგადასავლები

ნინო ნაკაშიძე

მახობელა და სხვა მოთხრობები

დავით ჯავახიშვილი

ბიძია სევას ამბები

ლუის კეროლი

ელისის თავგადასავალი საოცრებათა ქვეყანაში

იაკობ გოგებაშვილი

იავნანამ რა ჰქმნა და სხვა მოთხრობები

ეკატერინე გაბაშვილი

მაგდანას ლურჯა და სხვა მოთხრობები

ჯემალ ქარჩხაძე,მაკა მიქელაძე

ბერძნულ-რომაული მითები

ჰარიეტ ბიჩერ სტოუ

ბიძია თომას ქოხი

თეა თოფურია

ერთი ძალიან გრძელი დღე სხვა პლანეტაზე

ვასილ ბარნოვი

არმაზის მსხვრევა და სხვა მოთხრობები

ლეო ქიაჩელი

თავადის ქალი მაია და სხვა მოთხრობები

მიხეილ ჯავახიშვილი

კურკას ქორწილი და სხვა მოთხრობები

ეგნატე ნინოშვილი

ქრისტინე და სხვა მოთხრობები