როალდ დალი 1916 წლის 13 სექტემბერს უელსში დაიბადა. მას ნორვეგიელი მშობლები ჰყავდა და ზაფხულის არდადეგებს ხშირად ბებია-ბაბუასთან, ოსლოში ატარებდა. დაწყებითი განათლება კერძო სკოლაში მიიღო, თუმცა ბრწყინვალე მოსწავლე არასოდეს ყოფილა. დედას სურდა, მის ვაჟს უმაღლესი განათლება ოქსფორდის ან კემბრიჯის უნივერსიტეტში მიეღო, თუმცა როალდ დალიმ სხვა გზა აირჩია.  დალის თავგადასავლები  ნიუფაუნდლენდის ექსპედიციით დაიწყო, მოგვიანებით კი აფრიკაში, „შელის“ კომპანიაში დაიწყო მუშაობა. 1939 წელს სამეფო ავიაციაში გაწევრიანდა და მეორე მსოფლიო ომის დროს სამხედრო პილოტად მსახურობდა.

ეგვიპტეში საავარიო დაშვებისას მან სხეულის არაერთი ტრავმა მიიღო და მას შემდეგ  ვაშინგტონში დასახლდა. დალის პირველი მოთხრობები "The New Yorker"-სა და სხვა ჟურნალებში იბეჭდებოდა. შვილების გაჩენის შემდეგ დაიწერა მისი საბავშვო წიგნებიც, მათ შორის, მთელ მსოფლიოში ცნობილი „ჩარლი და შოკოლადის ქარხანა“.

გაზიარება

ავტორის წიგნები

სხვა ავტორები