ჩვენი ავტორები

თამთა მელაშვილი

თამთა მელაშვილი ქართველი მწერალი, მკვლევარი, ლექტორი და ფემინისტი აქტივისტია. თუმცა, უჭირს „მწერლის“ იარლიყის მორგება და როგორც თვითონ ამბობს, ტერმინ „ავტორს“ უფრო ეპოტინება. მისმა ახალმა წიგნმა – „შაშვი შაშვი მაყვალი“ – მალევე დაიმსახურა მკითხველისაგან დიდი სიყვარული.

თამთა მელაშვილს შესანიშნავად გამოსდის ქალებისთვის ახლობელ საკითხებსა და პრობლემებზე ბუნებრივად და პოეტურად წერა, შედეგად მკითხველი მისი პერსონაჟების ემოციებს მთელი სიმძაფრით განიცდის.

თამთას პირველ რომან „გათვლას“ წლის საუკეთესო მოვლენად მოიხსენიებდნენ 2010 წელს; მან ლიტერატურული პრემია „საბა“ (2011) და Deutscher Jugendpreis (2013) მოიპოვა.