ქართული ემიგრაციის ისტორია XIX საუკუნის შუაწლებიდან იწყება. ქართველთა დიდი ნაწილი, ევროპის სხვა სახელმწიფოების მოქალაქეების მსგავსად, ატლანტის ოკეანის გადაღმა, ამერიკის შეერთებულ შტატებში მიემგზავრებოდა. ვინ იყო პირველი ქართველი ემიგრანტი, დანამდვილებით არავინ იცის. ასევე შეუძლებელია, ყველა იმ ქართველის ვინაობის დადგენა, ვინც ამერიკის შეერთებულ შტატებში ჩავიდა და თავისი წვლილი შეიტანა ამ ქვეყნის აღმშენებლობის საქმეში.

წიგნის მთავარი მოქმედი პირი საქართველოა, მაგრამ მისი პოლიტიკური და სოციალური ისტორია, პოლიტიკური გეოგრაფია ნაჩვენებია  მსოფლიო პროცესების კონტექსტში.

”სსრკ - ეს არის ქვეყანა, სამშობლო, სადაც დავიბადე და ვცხოვრობდი. შეუძლებელია, გულგრილი იყო ამ ქვეყნის მიმართ - მნიშვნელობა არა აქვს, რა დამოკიდებულება გქონდა მისდამი, გძულდათ თუ გიყვარდათ...”

თქვენ წინაშეა გამოჩენილი ჩეხი მოღვაწის, ესეისტის, დრამატურგის, დისიდენტის, ჰუმანისტისა და წარსულში ორი სხვადასხვა ქვეყნის პრეზიდენტის, ვაცლავ ჰაველის, რიგით მეცხრე  და დღეისათვის ბოლო - 2006 წელს გამოცემული წიგნის თარგმანი. წიგნი ავტობიოგრაფიული ხასიათისაა, თუმცა ვერ თავსდება კლასიკური ავტობიოგრაფიული ჟანრის ფარგლებში, რაც სრულებითაც არ არის შემთხვევითი - ვ. ჰაველის მრავალმხრივი შემოქმედება ყოველთვის გამოირჩეოდა ორიგინალურობითა და მრავალმხრივობით.

"თანამედროვე საქართველოს მყარი სახელმწიფოებრიობის, სტაბილურობისა და წინსვლის მთავარ გარანტს მაღალი თავდაცვისუნარიანობა წარმოადგენს. ქართველმა ხალხმა რთული და ბრძოლით აღსავსე გზა გამოიარა. იმის ცოდნა, თუ როგორ შეძლეს ჩვენმა წინაპრებმა, რომ ფიზიკურად არ გადაშენდნენ, როგორ იცავდნენ ისინი თავს, ჩვენი პატრიოტული ვალია. ამასთანავე, საკუთარი ისტორიის ცოდნა აწმყოსა და მომავლის უეკთ შემეცნების საშუალება და იარაღია".

ავტორი წინა საუკუნის საქართველოს მსოფლიო გეოპოლიტიკისა და ისტორიის კონტექსტში განიხილავს. წიგნი XX საუკუნის I ნახევრის ისეთი საინტერესო და მნიშვნელოვანი საკითხების შესახებ მოგვითხრობს, როგორებიცაა: პირველი და მეორე მსოფლიო ომები, მათი მიზეზები და შედეგები; რუ­­სე­­თის რო­მა­ნოვების, გერმანიის ჰოჰენ­ცო­ლერ­ნე­­ბის, ავსტ­რია-უნგრეთის ჰაბს­ბურ­გე­ბის, თურ­ქე­თის ოს­მან­თა იმ­პერიების სა­­­ხე­­­ლე­ბის წაშლა მსოფლიოს პოლიტიკური რუკიდან და სხვა.

ავტორი საინტერესოდ მოგვითხრობს რეგიონის რელიგიური, კულტურული და დემოგრაფიული საკითხების შესახებ, განიხილავს ბუნებრივი და სოციალურ-კულტურული გარემოს გავლენას პოლიტიკაზე, აღწერს ახლო აღმოსავლეთის თანამედროვე პოლიტიკურ გეოგრაფიას, გვაცნობს ,,ახლო აღმოსავლეთის კონფლიქტის” წარმოშობისა და მისი მოუგვარებლობის მიზეზებს, წმინდა ადგილის როლს მსოფლიო პოლიტიკაში.

,,მათ, ვინც ,,ძალაუფლების სიმულაციებს" იცნობს, მინდა ვაუწყო, რომ სიმულაციის ეტაპი დამთავრდა. დაიწყო მეორე, ,,ძალაუფლების დაბრუნების ფაზა. ჩვენ გარდაუვლად მივექანებთ იმ მდგომარეობისაკენ, რომელიც შეიძლება აღიწეროს როგორც შუა საუკუნეები. ის შუა საუკუნეები, რომელიც საქართველოს არასოდეს ჰქონია".